خدعة إشراك 150شاب وفتاة في تحديد صرف مخصصات الخطة الاستثمارية

خدعة إشراك 150شاب وفتاة في تحديد صرف مخصصات الخطة الاستثمارية

خدعة إشراك 150شاب وفتاة في تحديد صرف مخصصات الخطة الاستثمارية

كتب / محمد غنيم

خدعوك فقالوا إن محافظ دمياط يقرر إشراك150شاب وفتاه على مستوى مراكز ومدن المحافظه في تحديد صرف مخصصات الخطة الإستثماريه ومتابعة تنفيذ المشروعات في تجربة غير مسبوقة واذ فجأة ظهرت مانشيتات الصفحة الرسمية لمحافظة دمياط بعنوان تجربة رائدة لمحافظة دمياط باشراك 150 شاب وفتاة في مناقشة مشاريع الخطة الاستثمارية طب هيه الية تنفيذ الحكاية دي مفيش كلها اجتهادات شخصية واهواء رئيس المدينة الفلاني مربط مع مجموعة تبعه ورئيس القرية مربط مع اللي ضامن ولائهم بلاش ضامن ولائهم اهو استسهال وبس شغل كلشنكان وخلاص وهكذا ده من ناحية ومن ناحية تانية  صاحب الاختراع ده محددش مواعيد الاجتماعات بمعني انه يجب ان المفروض ان القري والمدن تبدا الاول تناقش مخصصاتها ومشاريعها وتنهي منها عشان ترفعها للمركز اللي بدوره هيناقشها هو كمان من خلال رؤيته كمركز انما اللي حصل حاجة تانية غير كده خالص كله قعد في وقت واحد بلا ترتيب ولا تنظيم لا انت عارف بتاع القرية  ولا المدينة قعد فين وامته و ازاي ولا بتاع المركز اختار علي أي اساس ومين اللي جاب الناس دي واختارها انما اهو كله دش من غير طحين كلام نلوكه بافواهنا والسنتنا ولا ندرك من اليته اي شئ لان مفيش برنامج مفيش خطة وكاننا لسه هنخترع العجلة مشفناش مجالس محلية قبل كده وكانت بتعمل ايه … ميصحش اللي بيحصل ده والا يبقي احنا بنضحك علي بعض وبنقضيها وقت وخلاص ومش مهم لا مصلحة ولا برنامج ولا خطة … لان الناس دي اساسا لو عايزة برنامج ولاخطة كانت اختارت الشباب اللي ذهب قبل كده لحضور مناقشة الريس في الاعتداءات علي اراضي الدولة صح انما خوفهم وارتباكهم خلاهم جابوا الموظفين بتوعهم ولما رئيس المركز ولا المدينة ولا القرية بيشوف المحافظ بتاعه بيعمل كده ما هو لازم يعمل زيه واسوا كمان والحاجة بقي مرار المرار ان الصفحة الرسمية للمحافظة بتنشر أي حاجة توصلها من المراكز بدون ما حد يسال اللي في الصور دول مين وبيشتغلوا ايه ومين منهم مجتمع مدني ومين منهم رئيس قرية او موظف في المحليات مستعجلين عشان ننشر علي الفيس ونشير ونقول ان احنا شغالين اهه احنا بقينا محافظة افتراضية زي الفيس بوك كده ما هو افتراضي وماشيين وعايشين وكاننا مغمضين عنينا وعرفين ومش عايزين نفتحها لان لو فتحناها هنجيب لنفسنا وش اقلب مشي حالك .. أي كلام في أي كلام وسلملي ع البندجان

Share on FacebookShare on Google+Tweet about this on TwitterShare on LinkedIn

تعليقات facebook

تعليقات facebook

عن الكاتب

صوت بلدنا الاخباري

عدد المقالات : 3966

اكتب تعليق

© 2017 جميع الحقوق محفوظة لموقع صوت بلدنا الاخباري

Facebook Auto Publish Powered By : XYZScripts.com