ديباجة بناء علي توجيهات… و قتل الابداع

ديباجة بناء علي توجيهات… و قتل الابداع

ديباجة بناء علي توجيهات… و قتل الابداع

كتب / محمد غنيم 

في مصر مفيش حد عندنا بيعمل حاجة من دماغه كله بناء علي توجيهات وتكليفات وياريته بينفع ساعة الجد يعني المدرس يقولك بناء علي توجيهات السيد مدير المدرسة ومدير المدرسة بناء علي توجيهات السيد مدير الادارة والموظف في المحليات بناء علي توجيهات رئيس المركز ورئيس المركز بناء علي توجيهات السيد المحافظ والسيد المحافز بناء علي توجيهات السيد الوزير والوزير يا اما بناء علي تكليفات رئيس الوزراء او توجيهات السيد رئيس الجمهورية يعني حرجة الية ديناميكية كل واحد بينفذ تكليفات الاعلي منه مش مهم حكاية الابتكار والابداع مفيش حد عنده رؤية او هي رؤية واحدة بتاع السيد الرئيس واحنا بنفذها وياريت يكون فعلا كده يبقي مفيش مشكلة انما الحكاية اساسا هي حكاية تسديد خانات … ديباجة اتعودنا عليها وبس بدون تفكير … تلاقي منشور صفحة المحافظة مينفعش ينزل ولا يكتب الا بناء علي تكليفات وتوجيهات السيد المحافظ .. تلاقي صفحة المدير العام متنزلش منشور الا بناء علي توجيهات السيد الوزير واعتقد ان دي محاولة لتلبيس العمة للكبير ايا كان درجته واعفاء الصغير كل حسب درجته من اي درجة للمسائلة والحساب … ما هو يتحاسب ليه طالما ان كله بيتم بناء علي ….. مفيش حاجة اسمها انطلاقا من الدور المكلف به فلان … عايزين نغير الصورة النمطية في كتابة المنشورات الحكومية التي يتم تعميمها … علي الاقل تكريسا لفكرة المحاسبة والمسئولية انما كده طنطنة وكلام كبير وعريض وخلاص … هنقعد لغاية امته نلبس العمة لبعض واحنا عارفين ان احنا بنلبسها لبعض

Share on FacebookShare on Google+Tweet about this on TwitterShare on LinkedIn

تعليقات facebook

تعليقات facebook

عن الكاتب

صوت بلدنا الاخباري

عدد المقالات : 4176

اكتب تعليق

© 2017 جميع الحقوق محفوظة لموقع صوت بلدنا الاخباري

Facebook Auto Publish Powered By : XYZScripts.com