اه واه .. من اشعار / احمد اللاوندي

اه واه .. من اشعار / احمد اللاوندي

 

اشعار / احمد اللاوندي

اللى راح اهو راح لحاله

واللى جاى غامض ولسه

كل ثورى وله نضاله

وكله يسعى للمنصة

*****

اه ياخوفى من اللى بجرى

لو مكنش القلب صافى

كلنا بنحلم ف بكره

يبقى فيه الحضن دافى

*****

اه يابلدى والف اه

لو مافيش واحد يضمك

كلنا هنضيع معاه

والغريب هيمص دمك

*****

كلنا بنحلم تكونى

ملكة على عرش البلاد

اه لو تخلف ظنونى

والفساد يجلب فساد

****

يلاقومى شدى حيلك

يابلدنا وعيشى حرة

كلنا من طرح نيلك

يستحيل هنبص برة

*****

احنا ليكى وبيكى عيشنا

كل فرع وله جدارى

واللى كان ناوى يناكيفنا

يستحيل يحكم ف دارى

Share on FacebookShare on Google+Tweet about this on TwitterShare on LinkedIn

تعليقات facebook

تعليقات facebook

عن الكاتب

صوت بلدنا الاخباري

عدد المقالات : 4686

اكتب تعليق

© 2017 جميع الحقوق محفوظة لموقع صوت بلدنا الاخباري

Facebook Auto Publish Powered By : XYZScripts.com