مش مكسوف من حالك

مش مكسوف من حالك

مش مكسوف من حالك

كتبت / هدي كراوية

انك تكون متصالح مع نفسك احسن حاجة ممكن تحصلك ..احساس بالرضا بالي انت فيه مهما كان الي بتمر به او مستواك… مش مكسوف من حالك او ناقم عليه. مبتبصش للي في ايد غيرك وتقول اشمعني مش بتقف علي بترينة تتفرج علي حاجة عارف انك مش معاك تمنها ولا تقدر عليه يبقي من الاول متضايقش نفسك وتحس بالعجز وتشوف بعدم اهتمام وانت مش عايز ولا نفسك في الي معروض.. متكسفش انك مش معاك عربية ومقضيها مواصلات وبهدلة ولا مش لا بس سنيه ولا مش حاطط برفان اوريجينال ولا شايل موبايل اخر حاجة بس مستمتع بالي انت فيه وبتشوفه بمنظور تاني جميل غيرك في قصر ومش حاسه ولا شايف فيه حاجة حلوة… انك متخافش من المستقبل الي مش عامل حسابه ولا مأمن لولادك ماديا الي يقدروا يكملوا به حياتهم لانك مؤمن ان ده بايد ربنا وحده سبحانه وتعالي انما انت مامنهم من حاجة تانية بتربيتهم وتعليمهم انهم احسن الناس باخلاقهم وتصرفاتهم.. وزارع جواهم تحدي وطموح انهم يكونوا احسن ..وفي وسط ده شايف نفسك وحاسس انك احسن حد ولا اي حد يهمك ولا فارقة الدنيا معاك غير في اللحظة الي عايشها وربنا راضي عنك وانت نفسك راضي عنها ومأقلمها علي اختياراتك حتي لو كانت غلط وشايف الاوضاع حواليك محبطة بس ولا همك لان المشواار في الدنيا هيخلص ومش دايم لحد وهما الي فاهمنها …..

واهم حاجة ايه نضحك عشان تفضل الصورة حلوة وطظ في اي حد يزعلنا …

Share on FacebookShare on Google+Tweet about this on TwitterShare on LinkedIn

تعليقات facebook

تعليقات facebook

عن الكاتب

صوت بلدنا الاخباري

عدد المقالات : 4861

اكتب تعليق

© 2017 جميع الحقوق محفوظة لموقع صوت بلدنا الاخباري

Facebook Auto Publish Powered By : XYZScripts.com